Istor ur skol sonerezh dibar a zo kontet er film-mañ : istor Kreiz Breizh Akademi.
Diwar raktres Erik Marchand eo bet diwanet ar skol. Erik Marchand oa e bal treuskas e sonerezh hag e skiant-prenet d’ar re yaouank evel m’o doa graet ar re gozh en e raok evitañ. E Langoned e loc’h an traoù e 2005. 16 muzisian bodet er Stal Vras, o deus ranket adstummañ o divskouarn hag o benvegoù a-benn son sonerezh vozel. Daou vloaz pad o deus desket, intentet ha foetet bro evit dizoleiñ hentoù all e lec’h all. Gant ar film-mañ eo dorioù un istor sebezus a zo digoret, un darvoud tonket da vout ur maen-bonn e istor ar sonerezh vreizhek.